星座 - 白羊座

今期講下白羊座係咩人........(因為頭先同朋友傾開, 都想係到講下我地嘅性格特質比大家知下!!)

強行: 主觀, 喜熱鬧, 大企圖心, 做事果斷, 愛新意, 有正義感, 責任感, 赤子心, 對人真誠, 所以容易受騙......
不過衰在冇耐性, 對人對事亦一樣, 觀察力不足, 亦沒有自制能力........哈哈!!

所以好多人都會話, 點同你地拍拖好呢?
咁我就話, 我地天生冇耐性都冇辦法, 二個人係好講感覺, 我地都好想同佢一齊好耐好耐, 亦都想要一份童話式的愛情, 只好可惜末有人比到, 而家d人太現實, 咁又點可以覺得佢係Mr. Right先?! right?!

其實好多時, 我地唔開心都會同家人/好友傾下, 講下心事, 只不過真係傷心同覺得好痛嘅事都唔會對人講(因為好勝心強的關係), 所以亦都好少好少人會睇到我地d眼淚......但都冇計喎, 好多人的性格天生, 但我地亦唔覺得有咩唔啱, 最緊要唔好害人同自已開心就得啦~

我地的天性比較有童心, 所以都會鍾意同依類朋友一齊玩, 大家玩下d百痴低b野, 就算講下一本書又或者一d所碎事都已經好開心, 所以并唔一定做d咩大事架! 朋友你明末?! (出黎hea下笑下已經好好架啦!!)

不過講到拍拖呢~ 我地真係一個好愛恨分明嘅人黎, 唔鍾意就係唔鍾意, 當我地鍾意你的時候, 真係會好真心真意咁對你, 一定唔會做d咩黎玩你, 因為當時你會係我地小小世界內的中心, 所以我地次次拍拖都比人好真心同明確, 係唔會令你迷惑嘅!
不過當我地覺得你騙我地時, 你就唔洗可以令我地再信你(除非用好多時間令我地改觀!!), 因為我地係好信直覺, 加上亦會觀察一段時間先作先定論, 所以你一定係有d咩事比我地睇到, 我地先會咁諗!
其實我地好少會諗自已愛人對自已唔住(因為我地係比較傻咁信人果類人), 所以好多時都會比人騙.........但係咁樣對我地, 二個人一齊又有咩意思呢? 咁樣做你地自已都唔會開心啦, 係咪?!
記住, 我地係一定唔會接受自已一廂情願的愛情嘅!! hehe.....所以你地有拖友係白羊座就小心d了解下我地諗咩先啦, 咁樣先會長久架嗎! ^_^
仲有呀, 我地如果決定唔要的野, 就絕唔會再撿返黎, 唔係點對得住自已先, 因為我地一定會睇左同諗過先去唔要架, 所以比我地走得一定唔會再返轉頭架啦, 小心d啦朋友!! hehe.....
同埋先先要知我地係咩人黎先, 我地係好要求纯潔, 唯一與有童稚心的戀情, 所以你地想同我地耐, 就要知道依d野啦~~咁大家都會開心好多架嗎!

基本上, 我地係天性好樂觀的人, 好多事一陣就會冇事, 自已笑返d人黎, 但係大家都明, 係而家依個社會做野, 長大后有咁多事睇到, 所以有時情緒化小小都可以體諒嘅.....!
不過我地絕唔係一d悲觀的人, 因為我地怕煩同悶, 所以就盡量要自已活得開開心心, 咁日子行落去先比到自已覺得好有趣架! haha.... (其實都有小小呀Q!!)

仲有最鍾意行使我地的俠義性格, 所以會有好多朋友對我地剖心相見, 因為我地唔鍾意人地騙我地, 所以我地都唔會咁對朋友, 咁樣自然會多友誼啦!! 但我地對朋友的要求都會好高, 所以好多人可能會覺得有d煩! 哈哈!!
因為我地對家人, 愛人, 朋友, 同事全部都會有個自已的標準去量度, 如果覺得果個人唔得嘅話, 就會速戰速決咁"放生佢"......hehe, 所以有時d人都會有少少怕我地依d性格, 但我又覺得幾ok喎, 做人緊係要有標準先好架嗎, 唔係大家一齊係到hea咩!!

好啦, 好夜啦, 要去訓啦, 下回再分解啦, 哈哈~~