小小空間

不停咁搵生意同出去見人....開始有少少做到癲癲地!
但有好多訓唔著時諗, 自已有得做, 又有人比我做, 係咪已經好過好多人呢?
好多人成日坐係到想搵錢都苦無機會, 自已依幾年黎不停咁有好多人比機會我, 咁我應該開心先係架?
但我發覺自已仲係末滿足! 唔知欠左d咩....
你問我係咪覺得冇人同我分享開心的時候? 我就可以好肯定咁講, 并唔係喎!
因為我唔係要人肯定我, 我只要自已肯定自已做的事係正確同埋開心就得啦,
我其實都算係一個幾自我中心的人, 我平時比人覺得好細路女, 但我出黎做左成9年野,
點都唔會傻得曬架啦, 只係好多人見人地咁開心, 咪一齊傻下lor~~ 咁樣咪幾好, 係咪?! ^_^

講到點樣先叫做自已肯定呢? 我諗就係要做到有多餘的時間同錢去幫助有需要的人啦~
好多時見到d人食都冇得食, 自已就成日同朋友出去食大餐, 所以我成日都諗當我搵到錢, 我一定攞多d時間出黎做多d野幫人, 不過當而家末搵到錢時, 都可以幫人架, 平時對人好d, 當朋友末講出口, 你已經申出自已隻手先, 咁樣大家都開心好多架! (不過朋友對我黎講點分, 而家係到一時好難講曬比你地知, 因為又係另一個好大的topic! 總之都係果一句, 講心啦!!)

近排都有少少困擾, 因為有d野唔知點去選擇, 好多人都話有得諗好過冇得諗喎~~
不過我就唔係咁鍾意啦, 因為對我黎講, 所以野都要肯定先得, 打工, 做生意, 拍拖等等等等都一樣!
我唔鍾意d人成日都話諗下先啦, 下次講你知, 而家末諗到呀, 咁樣拖下拖下又一日的作風, 因為對我黎講, 依d說話全部都係借口, 冇誠意的心態!! 依d野唔可以成日都比人對你講咁多, 因為同一個人同你講得多, 就係証明左一樣野, 就係佢對你冇誠意! 做咩都係, 出黎玩啦, 做生意啦, 男人/女人啦!
所以當大家下次聽到依多野多幾次時, 你就要諗下果個人當你係咩啦....醒d啦, 朋友!!