唔係講笑, 8年前第一次去天津, 看到古董市場上一個上海灘feel的舊真皮行李箱, 好想擁有佢, 但當時我老豆話, 你癲左呀, 買黎做咩, 前世末攞過重野呀? 就係咁我依8年都冇再見過佢, 除左有時睇返上海灘呀丁力同許文強手攞住之外....鳴鳴~
不過當我上星期去上海個古董市場, whahaha!!!! 又比我見到, 今次依個仲保養得好過我8年前見到果個, 真係唔係講笑!! whahahahahhaa~~~ 所以唔洗講野, 我立即買左佢返黎!!
但係因為係舊野, 所以都要搵人整, 就係咁當我買左佢返酒店一直到我上機返香港到前日, 一路都煩緊而家邊到可以搵人整返好佢呢?? 因為依個箱係我心頭好, 就算我唔用放係屋企望住佢, 我點都要整好佢先心息架啦!
不過黃天不付有人心!! whaha~ 前日當我睇緊本雜誌時, 書內介紹一個女人自已開左一家手做真皮用品嘅小店, 我立即打去問佢可唔可以幫我整依個箱, 佢叫我send左相比佢睇下同埋報價....希望可以幫到我啦!
你地可以睇下我個寶貝箱先架~ whahahha!!!
No comments:
Post a Comment