In Praise of Love 愛之頒

今日好迷, 迷左成日, 因為起左身之后睇戲, 睇完套法國片之后更加迷...點解會咁? 因為佢套戲令我睇完迷過睇王家偉的戲...不過之所以係咁, 我先會鍾意...

導演叫Jean-Luc Godard(尚盧高達), 老實講佢係乜水我真係唔知...
點解會買黎睇? 因為我睇到碟套後面介紹得幾有趣...係講關於愛的四個階段, 分別係"邂逅, 愛慾, 分離 以及係 重逢".

人一生同依四個階段根本係分唔開, 一接觸到愛只會不斷咁重演上面講果四種情況...永遠唔會停...
邂逅 - 係當發生左但通常唔覺得係發生左的事...
愛慾 - 係同果個人發生左之后又通常覺得點解咁快的事...(可能係講緊個過程...時間)
分離 - 係發生左之后先知道係事實, 因為通常當時你係完全冇左果種反抗的能力, 但清楚知道係事實之後, 你只會覺得好痛...好痛...
重逢 - 同邂逅有少少唔同, 因為果個人已經存左係你心中好耐...只不過再用另一個心情去面對...

套戲的每一句對白, 都會令到你諗返好多好多野, 除非你心已經死左又係例外...(所以同你地講,想去訓前唔好睇...)哈哈!

"愛的法則, 就是亳無法則地愛"
"一起十年, 分手後才發現端倪"
"現在變成歷史, 才知歷史的價值"
"現在帶著很多故人的回憶, 無論走到那裡, 我也是有回憶的人"

套戲基本係黑白片, 到尾果二十分鐘左右主角回憶返2年前的畫面先係彩色....我諗係因係佢對現實已經感到太無能為力...而回憶帶比佢色彩...加上佢愛的女人亦都死左...所以現實係佢心目中亦都只有灰暗...
而主角太想用某一種方法去表現佢對愛的睇法, 但都最后都做唔到, 因為愛只可以感受, 而唔可以言輿...