Baby

今日同我一位已經做左媽媽的好朋友傾左成晚, 發覺而家女人到左比較大年齡才開始發覺自已原來仲係一個女人, 仲可以做女人要做的事, 就係生bb!! 哈哈!

不過你地都唔好笑住, 其實真係幾得人驚, 以前就十幾歲結婚, 之后等男人養, 坐係屋企生仔, 帶大佢地, 煮下飯做下屋企野就一日, 而家我地做女人, 又要同男人一樣出去搵錢, 又要生仔, 又要帶小朋友, 又要返屋企睇老人家! 唉~~ 你話幾時結婚? 幾時生仔好?? 真係鬼先知啦!

加上好多男人都好冇用! 搵錢少過女人, 仲要話d女人貪錢! 真係癲, 唉~

所以想搵一個好男人, 可以幫你做下家務, 同你一齊照顧小朋友, 有愛心, 唔介意同你一齊分擔的人, 真係好難!!
我諗有都死左一半, 仲有一半我末見到(拍拖時的男人黎外! 因為你末係佢老婆, 所以佢地乜都say yes! 哈哈)

雖然我末結過婚, 但拍拖都好多次, 所以發覺長時間之后, 男人都係一樣會懶, 開始時乜都話好, 之后又係一樣, 所以我真係冇乜信心去信佢地! 咁所以都係果句....結婚...no way啦.....!!!

除非搵到一個比我可以睇到佢係以上的人啦....唔係自已一個好過煩啦! right?!

今日又發住咁多勞穌先~下次再講下我心目中的MR. Right! 哈哈!